ABŞ Prezidenti Donald Tramp xüsusi elçi Stiv Uitkoff və sahibkar Cared Kuşnerin İranla danışıqlar aparmaq üçün Pakistana səfərini ləğv edib.
Senzor.az bildirir ki, bu barədə o, "Fox News" telekanalının əməkdaşı Aişə Hesniyə vediyi açıqlamasında danışıb.
Jurnalist "X" sosial şəbəkəsində yazıb ki, Tramp telefon danışığı zamanı ona Uitkoff və Kuşnerin Pakistana səfərini birtərəfli şəkildə ləğv etdiyini deyib.
Tramp bildirib ki, ABŞ İranla münaqişədə bütün imkanlara sahib olduğu halda, ABŞ nümayəndə heyətinin Pakistana 18 saatlıq uçuş etməsinə dəyməz.
O əlavə edib ki, iranlılar istədikləri vaxt ABŞ-la telefon əlaqəsi qura bilərlər.
"Bir müddət əvvəl xalqıma demişdim ki, onlar getməyə hazırlaşırlar. Sonra onlara dedim ki, ora getmək üçün 18 saatlıq uçuş etməyə ehtiyac yoxdur. Bizdə bütün imkanlar var. Onlar istədikləri vaxt bizimlə əlaqə yarada bilərlər", - Tramp vurğulayıb.
