İran ABŞ tərəfindən münaqişənin həlli ilə bağlı təqdim olunan təklifə cavab olaraq Livanda atəşkəsin əldə olunmasını əsas şərtlərdən biri kimi irəli sürüb.
Senzor.az bildirir ki, bu barədə İranın dövlət televiziya və radio şirkəti məlumat yayıb.
Qeyd olunub ki, Pakistanın vasitəçiliyi ilə göndərilən cavab mətnində əsas diqqət məcburi şəkildə başladılmış müharibənin bütün istiqamətlərdə, xüsusilə Livanda dayandırılmasına yönəlib.
Bu arada Pakistanın Baş naziri Şahbaz Şərif İranın müharibənin dayandırılması ilə bağlı ABŞ-ın təklifinə cavab təqdim etdiyini təsdiqləyib.
GeoTV-nin xəbərinə görə, Şahbaz Şərif feldmarşal Asim Munirin bu barədə onu məlumatlandırdığını söyləyib.
“Mən detallara varmaq istəmirəm”, – deyə Pakistan Baş naziri əlavə heç nə deməyib.
