Türkiyənin müxalif Cümhuriyyət Xalq Partiyasının (CHP) yeni İdarə Heyəti üzvlərinin adları açıqlanıb.
Senzor.az yerli KİV-ə istinadən bildirir ki, bu barədə partiyanın sözçüsü Müslim Sarı məlumat verib.
CHP-nin yeni İdarə Heyəti 19 nəfərdən ibarətdir.
Kamal Kılıçdaroğlunun sədr olduğu heyətdə Orhan Sarıbal, Bülent Kuşoğlu, Müslim Sarı, Deniz Demir, Ali Rıza Erbay, Cemal Canpolat, Necdet Saraç, Yıldırım Kaya, Hasan Efe Uyar, Berhan Şimşek, Devrim Barış Çelik, Ahmet Hakan Uyanık, Nevaf Bilek, Adnan Demirci, Tahsin Tarhan və Qamze Akkuş İlgezdi sədr müavinləri kimi yer alıblar.
Xatırladaq ki, məhkəmə mayın 21-də CHP-nin 38-ci qurultayının nəticələrini etibarsız sayaraq ləğv edib. Məhkəmənin müvafiq qərarı ilə CHP-nin keçmiş sədri Kamal Kılıçdaroğlu müvəqqəti olaraq yenidən vəzifəyə qaytarılıb.
Özgür Özəlin sədr seçildiyi qurultayın nəticələrini ləğv edən məhkəmənin qərarına görə, 2023-cü il noyabrın 6-da baş tutan səsvermə partiyadaxili demokratiya, bərabərlik və azad iradə prinsiplərinə zidd şəkildə keçirilib, bu səbəbdən nəticələr mütləq etibarsızlıq əsası ilə qüsurlu hesab olunub.
