Ermənistanın Baş naziri Nikol Paşinyan Rusiya Günü münasibətilə həmin ölkənin dövlət başçısı Vladimir Putinə təbrik məktubu göndərib.
Bu barədə “Sputnik Ermənistan” məlumat yayıb.
“Bu əlamətdar bayram Rusiya Federasiyası vətəndaşlarının öz ölkələrinin gələcəyi üçün daşıdıqları məsuliyyəti, eləcə də dost Rusiya xalqının dövlətin inkişaf yolunu müstəqil şəkildə seçmək istəyini təcəssüm etdirir”, - məktubda qeyd olunub.
Xatırladaq ki, bir neçə gündür Ermənistan mediasında Vladimir Putinin Nikol Paşinyanı parlament seçkilərində qələbəsi münasibətilə hələ təbrik etməməsi müzakirə edilir. Kremlin rəsmi sözçüsü Dmitri Peskov Rusiyanın Ermənistandakı seçkilərin rəsmi nəticələri açıqlandıqdan sonra N.Paşinyana qələbə münasibətilə təbrik göndərəcəyini bəyan edib. Ermənistan Mərkəzi Seçki Komissiyası isə seçkilərin yekun nəticəsini iyunun 14-də açıqlayacaq.
