ABŞ Prezidenti Co Bayden Rusiya Prezidenti Vladimir Putinlə daha ətraflı və uzunmüddətli danışıq aparacağını bildirib. Ağ Evin saytının yazdığına görə, bu barədə bu gün keçirilən mətbuat konfransında Bayden özü məlumat verib.
Bayden jurnalistin Putinlə yeni sammitin keçirilməsi zərurəti barədə sualına cavab verərkən qeyd edib ki, uzun söhbət olacaq.
O, başqa təfərrüatları açıqlamayıb.
Xatırladaq ki, ölkə liderləri sonuncu dəfə dekabrın 7-də videobağlantı vasitəsilə danışıblar. Prezidentlər sanksiyaları və Ukrayna ətrafında vəziyyəti müzakirə ediblər.
