Rusiya Prezidenti Vladimir Putinlə belaruslu həmkarı Aleksandr Lukaşenko arasında telefon danışığı olub. Senzor.az BelTA-ya istinadən bildirir ki, tərəflər iki ölkə arasında, xüsusən də müdafiə sahəsində əməkdaşlığın aktual məsələlərini müzakirə ediblər.
“Söhbət zamanı prezidentlər Belarus və Rusiya arasında əməkdaşlığın perspektivləri, o cümlədən müdafiə sahəsində və digər məsələlərə toxunublar”, - məlumatda deyilir.
Dövlət başçıları həmçinin Belarus liderinin Sankt-Peterburqa gözlənilən səfəri zamanı keçiriləcək tədbirlər proqramını müzakirə ediblər.
Xatırladaq ki, dekabrın 28-də Rusiya Prezidenti Vladimir Putinin təşəbbüsü ilə ənənəvi olaraq MDB üzv ölkələrinin dövlət və hökumət başçılarının qeyri-rəsmi görüşü keçiriləcək.
