İranda keçiriləcək üçtərəfli sammit öncəsi Rusiya və Türkiyə prezidentləri Vladimir Putinlə Rəcəb Tayyib Ərdoğanın görüşü başa çatıb.
"Habertürk"ün məlumatına görə, Astana formatında bir araya gəlməyin böyük üstünlük olduğunu vurğulayan Ərdoğan deyib: "Burada əldə edəcəyimiz nəticənin bütün dünya üçün müsbət təsiri olacaq. Ümid edirəm ki, Rusiyanın vasitəçilik formatında rolu müsbət olacaq. Danışıqların məhsuldar olacağına inanıram”.
Vladimir Putin öz növbəsində qeyd edib: "Qara dənizdəki limanlardan taxıl ixracı ilə bağlı bütün problemlər hələ həll olunmayıb, lakin bununla bağlı müəyyən aktivlik var. Türkiyənin vasitəçiliyi sayəsində biz taxıl ixracında irəliləyiş əldə etdik".
**20:52
Türkiyə və Rusiya prezidentləri Rəcəb Tayyib Ərdoğanla Vladimir Putin arasında görüş başlayıb.
"Habertürk"ün məlumatına görə, liderlər İranda keçiriləcək üçtərəfli sammitdən əvvəl bir araya gəliblər
Qeyd edək ki, bu, Ukrayna müharibəsi başlayandan sonra Ərdoğan və Putin arasında ilk görüşdür.
