Azərbaycanın “Qarabağ” klubu iyulun 27-də İsveçrədə "Sürix"ə qarşı keçirəcəyi UEFA Çempionlar Liqasının II təsnufat mərhələsinin cavab oyunu ilə əlaqədar azarkeşlərə müraciət edib.
Senzor.az-ın məlumatına görə, müraciətdə komandanı stadionda dəstəkləmək istəyən fanatlar üçün biletlərin oyun günü satılacağı bildirilib.
“Letsiqrund” stadionunda təşkil olunacaq qarşılaşma üçün biletlərə 25 İsveçrə frankı qiymət qoyulub.
Bilet satışı ilə bağlı detallı məlumat daha sonra veriləcək.
Qeyd edək ki, görüş Bakı vaxtı ilə saat 21:00-da başlayacaq. İlk matçda "Qarabağ" qalib gəlib - 3:2.
**14:27
UEFA Çempionlar Liqasının ikinci təsnifat mərhələsinin cavab oyunları çərçivəsində İsveçrənin “Sürix” komandası ilə üz-üzə gələcək Ağdamın “Qarabağ” klubunun səfər proqramı açıqlanıb.
Senzor.az bildirir ki, Ağdam təmsilçisi İsveçrəyə iyulun 25-də yollanacaq.
Komandanı Sürix şəhərinə aparacaq təyyarə saat 17:30-da Heydər Əliyev Beynəlxalq Aeroportundan yola düşəcək.
İyulun 26-da Bakı vaxtı ilə saat 20:40-da baş məşqçi Qurban Qurbanovun mətbuat konfransı, saat 21:00-da komandanın açıq məşqi olacaq.
Qeyd edək ki, iyulun 27-də keçiriləcək qarşılaşma Bakı vaxtı ilə saat 21:00-da start götürəcək. İlk matçda Azərbaycan təmsilçisi 3:2 hesabı ilə qalib gəlib.
