Ermənistanın paytaxtı İrəvanda Karen Dəmirçyan adına Metropoliteninin işçiləri bu gün səhərdən tətil elan ediblər.
Senzor.az yerli KİV-ə istinadən bildirir ki, saat 06:00-dan stansiyalarının qapıları bağlı olan Metropolitenin maşinistləri əməkhaqlarının artırılmasını istəyirlər.
Qeyd edək ki, uzunluğu 12 km-dən artıq olan İrəvan metropoliteni 10 stansiyadan ibarətdir. Metropolitenin 45 vaqonu var.
Son məlumata görə, Metropoliten rəhbərliyi ilə danışıqlardan sonra tətil edənlər iş yerlərinə qayıdıblar və metro adi qaydada fəaliyyətini davam etdirir.
