İran kəşfiyyatı ölkədə İsrailin Kəşfiyyat və Xüsusi Məsələlər İdarəsinin (“Mossad”) maraqlarına uyğun hərəkət edən bir qrupu zərərsizləşdirib.

Senzor.az yerli KİV-ə istinadən bildirir ki, ümumilikdə beş nəfər həbs edilib. 

İranın Kəşfiyyat Nazirliyi bəyanat yayaraq bildirib ki, agentlər İrana terror aktları törətmək üçün göndərilib, lakin onların hamısı hər hansı təxribat törətməzdən əvvəl müəyyən edilib və həbs olunub.

Açıqlamaya görə, şəbəkə üzvləri İrana Kürdüstan vasitəsilə daxil olublar.

Məlumatda həmçinin bildirilir ki, şəbəkə müasir əməliyyat və kommunikasiya avadanlıqları, eləcə də güclü partlayıcı qurğularla təchiz edilib.

Onların sözlərinə görə, bəzi həssas yerlərdə və əvvəlcədən müəyyən edilmiş hədəflərdə təxribat və misli görünməmiş terror fəaliyyətləri həyata keçirmək niyyətində olublar. Amma onların hamısı həbs edilib, avadanlıqları müsadirə olunub.

Senzor.az