Ukrayna Prezidenti Volodimir Zelenski Odessa limanına gedib.
Senzor.az bildirir ki, bu barədə V.Zelenskinin Facebook hesabında məlumat verilib.
O, taxıl daşınması prosesinə nəzarət edəcək.
"Biz tərəfdaşlarımızdan daşımaların başlanması ilə bağlı siqnallar gözləyirik. Qlobal ərzaq təhlükəsizliyinin qarantı olaraq qalmaq bizim üçün vacibdir. Kimsə Qara dənizi bağlayaraq başqa xalqların canını alarkən biz onların xilası üçün çalışırıq", - Zelenski bildirib.
Zelenski Çornomorsk limanında Odessaya gəlmiş G7 ölkələrinin səfirləri ilə də görüşüb.
Ukrayna Prezidenti həmçinin bildirib ki, Çornomorsk limanında yüklənən ilk gəmi Türkiyə gəmisidir.
Xatırladaq ki, iyulun 22-də İstanbulda “taxıl dəhlizi” ilə bağlı saziş imzalanıb. Ukrayna, Rusiya, Türkiyə və BMT Qara dəniz vasitəsilə taxıl ixracının həyata keçirilməsi barədə razılığa gəliblər.
Senzor.az
