ABŞ nümayəndə heyəti və radikal “Taliban” nümayəndələri Tacikistanda keçirilən son iclasda Əfqanıstanın əvvəlki hökumətinin dondurulmuş ehtiyatlarından təxminən 3,5 milyard dolların açılmasını müzakirə ediblər.

Bu barədə “Bloomberg” agentliyi yazıb.

Danışıqlar Əfqanıstanda humanitar böhranın kəskinləşməsi fonunda baş tutub. Qeyd olunub ki, Vaşinqton rəsmiləri ehtiyatların açılması üçün səyləri sürətləndirməyə razılaşıb və “Taliban”a xəbərdarlıq edib ki, pullar Əfqanıstan xalqının xeyrinə istifadə olunmalıdır.

ABŞ tərəfini danışıqlarda Əfqanıstan üzrə xüsusi nümayəndə Tomas Uest və maliyyə nazirinin maliyyə kəşfiyyatı üzrə müavini Brayan Nelson təmsil ediblər.