ABŞ Konqresinin Nümayəndələr Palatasının spikeri Nensi Pelosi Tayvan administrasiyasının rəhbəri Tsay İnq-ven ilə görüşüb.

Bu barədə TASS Tayvan telekanalına istinadən xəbər yayıb.

İclas başlamazdan əvvəl Tsay İnq-ven Pelosiyə hökumətin medalını təqdim edib.

Bildirilir ki, Pelosi qaldığı hoteldə videokonfrans keçirəcək, adanın qanunverici orqanına baş çəkəcək, Tayvanın baş qərargah rəisi Tsay İnq-ven ilə danışıqlar aparacaq və hökumətin tarixi malikanəsində fəxri qonaqlar üçün şam yeməyində iştirak edəcək.