Rusiya Prezidenti Vladimir Putin Təhlükəsizlik Şurasının operativ iclasını keçirib.
Senzor.az bildirir ki, bunu jurnalistlərə açıqlamasında Kremlin mətbuat katibi Dmitri Peskov deyib.
O bildirib ki, iclasda Ermənistan-Azərbaycan konflikti ətrafında da müzakirələr aparılıb, üçtərəfli bəyanatların bütün tələblərinin yerinə yetirilməsinin vacibliyi vurğulanıb.
İclasda Baş nazir Mixail Mişustin, Rusiya Federasiyası Şurasının sədri Valentina Matviyenko, Dövlət Dumasının sədri Vyaçeslav Volodin, TŞ-nin sədr müavini Dmitri Medvedev, Kreml administrasiyasının rəhbəri Anton Vayno, DİN rəhbəri Vladimir Kolokoltsev, FTX direktoru Aleksandr Bortnikov, müdafiə naziri Sergey Şoyqu, TŞ katibi Nikolay Patruşev və Xarici Kəşfiyyatın rəisi Sergey Narışkin iştirak ediblər.
