Suriyada “Fərat qalxanı” əməliyyatı bölgəsində terror aktının qarşısı alınıb.
Bu barədə Türkiyənin daxili işlər naziri Süleyman Soylu “Tvitter” hesabında yazıb.
O qeyd edib ki, Cerablusda təhlükəsizlik qüvvələrinin keçirdiyi xüsusi əməliyyat zamanı 10 kq partlayıcı ilə doldurulmuş bomba ələ keçirilib.
“Cerablusda terror aktı hazırlayan PKK/PYD terror təşkilatının üzvü “Fərat qalxanı” əməliyyatı bölgəsində yaxalanıb”, - nazir yazıb.
Beləliklə, planlaşdırılan terror aktının qarşısını almaq mümkün olub.
Faktla bağlı araşdırmalara başlanılıb.
