Azərbaycanın xarici işlər naziri Ceyhun Bayramov Türkiyəyə səfər edəcək.
Senzor.az bildirir ki, bu barədə Türkiyə Xarici İşlər Nazirliyi məlumat yayıb.
Məlumata əsasən, səfər 8-9 avqust tarixlərində Türkiyə XİN rəhbəri Mövlud Çavuşoğlunun dəvəti ilə reallaşacaq.
Qeyd olunub ki, C. Bayramov paytaxt Ankarada keçiriləcək 13-cü Səfirlər Konfransında iştirak edəcək. Nazirin tədbirdə səfirlərə müraciəti nəzərdə tutulub.
