İranın xarici işlər naziri Hüseyn Əmir Abdullahian avqustun 13-də Tehranda vəzifəsinə başlayan Küveytin səfiri Bədr Abdulla əl-Monihi qəbul edib.
Senzor.az “Mehr” agentliyinə istinadən bildirir ki, Küveytin yeni səfiri əl-Monih görüş zamanı etimadnaməsinin surətini Əmir Abdullahiana təqdim edib. 
Bu addım Səudiyyə Ərəbistanının İranla münasibətləri yaxşılaşdırmağa çalışdığı bir vaxta təsadüf edir.
Yeri gəlmişkən, XİN rəhbəri ötən ay verdiyi açıqlamada demişdi. "Birləşmiş Ərəb Əmirlikləri də Tehrana səfir göndərmək qərarına gəlib. Əmirliyin səfiri tezliklə Tehrana gələcək. Küveyt də Tehrandakı səfirini təqdim edib".
Xatırladaq ki, 2016-ci ildə Səudiyyə Ərəbistanı ilə İran arasında münasibətlərin gərginləşməsindən sonra Küveyt Tehrandakı səfirini geri çağırmışdı.
