Rusiyada əcnəbilərin gəlişi, gedişi və ölkədə yaşaması ilə bağlı yeni qanun layihəsi hazırlanır.

Senzor.az yerli KİV-ə istinadən bildirir ki, bu barədə Rusiya Təhlükəsizlik Şurasının sədr müavini Dmitri Medvedev açıqlama verib.

Onun sözlərinə görə, söhbət təkcə miqrasiya xidmətlərinin texniki cəhətdən yenidən qurulmasından deyil, həm də hazırkı şəraitdə yaranmış ciddi təhlükələrin qarşısının alınmasından gedir.

D.Medvedev vurğulayıb ki, miqrantların Rusiyaya gəlişi və burada qalmasına nəzarət dövlət təhlükəsizliyinin mühüm tərkib hissəsidir. “Biz bir neçə ildir əvvəlkindən fərqli şəraitdə işləyirik”, - deyə o bildirib.