Sentyabrın 21-də Kan-11 telekanalı axşam buraxılışında bildirib ki, hazırda Nyu-Yorkda olan Baş nazir Yair Lapid Rusiyadakı vəziyyətlə əlaqədar El Al Hava Yollarının baş direktoru ilə danışıb.

Telekanalın məlumatına görə, hökumət başçısı Rusiyadan uçuşların sayını artırmağı xahiş edib.

Senzor.az bildirir ki, Baş nazirin Dəftərxanasından NEWSru.co.il-ə məlumatı təsdiqləyiblər.

Kanal həmçinin bildirib ki, İsrail Rusiyada elan edilən səfərbərliklə əlaqədar oradan yeni repatriasiya dalğası üçün hazırlıqlara başlayıb.

Belə ki, Lapidin tapşırığı ilə təkcə uçuşların artırılması deyil, həm də viza və miqrantların ölkədə yerləşdirilməsi sahəsində də tədbirlər görüləcək.

Xatırladaq ki, dünən Rusiya Prezidenti Vladimir Putinin qismən səfərbərlik elan etməsindən sonra ölkədən xaricə gedənlərin sayı kəskin şəkildə artıb.