"İğdırdan Azərbaycana yol çəkiləcək. Bura dəmir yol xətləri də daxildir. Bu yolun çəkilməsi çox önəmli bir addım olacaq".
Bunu Türkiyə Prezidenti Rəcəb Tayyib Ərdoğan ABŞ-da türkiyəli jurnalistlərə müsahibəsində deyib.
O bildirib ki, əgər Rusiya Prezidenti Vladimir Putin dövlət xadimi keyfiyyətlərini tam mənasında ortaya qoymasaydı, Azərbaycana çıxış əldə edilə bilməzdi: "Putin dövlət xadimi kimi keyfiyyətlərini müsbət şəkildə tam mənasında və qərarlı şəkildə nümayiş etdirdiyinə görə, Azərbaycana çıxış əldə etmək şansı qazandıq. Hazırda Azərbaycanda gərgin fəaliyyətimiz davam edir… ".
