Ermənistan Qarabağa silah göndərmək üçün Laçın dəhlizindən istifadə edir, bu, əvvəllər əldə edilmiş razılaşmalara ziddir.
Bunu xarici işlər naziri Ceyhun Bayramov jurnalistlərə açıqlamasında deyib.
"Dəhlizdən təyinatı üzrə istifadə olunmur və buna son qoyulmalıdır. Azərbaycan bundan ötrü lazımi addımları atacaq", - C.Bayramov bildirib.
Nazir qeyd edib ki, 2021-ci ildə Qarabağda basdırılan minalar oraya Laçın dəhlizilə çatdırılıb.
“Ermənistan üçtərəfli bəyanatın fundamental prinsiplərini pozur və bütün erməni hərbi birləşmələrin Azərbaycan ərazisindən çıxarılması barədə öhdəliyi yerinə yetirmir", - deyə C.Bayramov vurğulayıb.
