Qətərdə təşkil olunan dünya çempionatının qrup mərhələsində bu gün II turun daha dörd oyunu keçiriləcək.
Senzor.az bildirir ki, günün ilk matçı E qrupunda Yaponiya və Kosta Rika yığmaları arasında olacaq.
Bu qrupun digər görüşündə isə mundiala qələbə ilə başlayan İspaniya ilk turda gözlənilmədən yaponiyalılara uduzan Almaniya yığması ilə qarşılaşacaq. Almanların turnirdə yollarına davam etmək şansları böyük ölçüdə bu oyundan asılıdır.
F qrupunda isə Belçika Mərakeşlə, Xorvatiya Kanada ilə üz-üzə gələcək.
DÇ-2022
Qrup mərhələsi, II tur
27 noyabr
E qrupu
14:00. Yaponiya - Kosta Rika
Baş hakim: Maykl Oliver (İngiltərə)
“Əhməd İbn Əli” stadionu
23:00. İspaniya – Almaniya
Baş hakim: Denni Makkelli (Niderland)
“Əl Bayt” stadionu
Xal durumu: İspaniya - 3, Yaponiya - 3, Almaniya - 0, Kosta Rika - 0
F qrupu
17:00. Belçika - Mərakeş
Baş hakim: Sesar Arturo Ramos (Meksika)
“Al Tumama” stadionu
20:00. Xorvatiya – Kanada
Baş hakim: Andres Matonte (Uruqvay)
“Xəlifə” stadionu
Xal durumu: Belçika – 3, Xorvatiya – 1, Mərakeş – 1, Kanada – 0
