Türkiyənin reaktiv pilotsuz qırıcısı “Bayraktar Kızılelma” ilk uçuşunu həyata keçirib.
Senzor.az bildirir ki, bu barədə “Baykar” şirkətinin rəhbəri Səlcuq Bayraktar özünün “Tvitter” səhifəsində məlumat verib.
O, “Kızılelma” pilotsuz təyyarələrinin hazırlanması layihəsinin tamamilə “Baykar”ın hesabına həyata keçirildiyini xatırladıb və bu onun Türkiyə aviasiyasında inqilab edəcəyinə əminliyini ifadə edib.
Qeyd edək ki, “Bayraktar Kızılelma” ilk dəfə avqustda Samsunda keçirilən “Teknofest-2022” festivalında təqdim olunub.
