Türkiyənin cənub-şərqində yerləşən Şirnak vilayətində böyük neft yatağı aşkar edilib.
Senzor.az yerli KİV-ə istinadən bildirir ki, bunu Türkiyə Prezidenti Rəcəb Tayyib Ərdoğan deyib.
Onun sözlərinə görə, Qabar dağının (Küpəli dağı kimi də tanınır) ətrafında olan yataqda 150 milyon barel xalis neft ehtiyatı mövcuddur: “Bu, 2022-ci ildə aşkar edilən 10 ən böyük quru yatağından biridir. Ehtiyatların dəyəri təxminən 12 milyard dollardır. Nefti çox yüksək keyfiyyətə malik olan bu bölgədə 4 quyudan sutkada 5 min barel hasil edirik. Quyularımızın sayını sürətlə artırmaqla biz buradakı neft hasilatını daha yüksək səviyyələrə çatdıracağıq”, - deyə o vurğulayıb.
