Qətərdə keçirilən futbol üzrə dünya çempionatının qalibi müəyyənləşib.
Senzor.az bildirir ki, finalda Fransa yığmasını məğlub edən Argentina millisi üçqat dünya çempionu olub.
Qeyd edək ki, oyunda hesabı Lionel Messi açıb. O, matçın 23-cü dəqiqəsində Fransanın qapısına təyin olunan penaltini dəqiq yerinə yetirib. Matçın 36-cı dəqiqəsində isə Lionel Messinin ötürməsindən sonra Anxel Di Mariya Argentinanın ikinci qolunu vurub - 2:0. İlk hissə bu hesabla başa çatıb.
Matçın ikinci hissəsinə fransızlar fəal başlayıblar. Fransa yığması matçın sonlarına doğru hesabı bərabərləşdirməyi bacarıb. Kilyan Mbappe matçın 80-ci dəqiqəsində rəqibin qapısına təyin olunmuş penaltini dəqiq yerinə yetirib – 2:1. Bu qoldan bir dəqiqə sonra səhnəyə yenidən Kilyan Mbappe çıxıb. Bu dəfə Markus Türamın ötürməsini dəqiq tamamlayan Fransa yığmasının ulduzu hesabı bərabərləşdirib. – 2:2. Final oyununun əsas vaxtı məhz bu hesabla başa çatıb.
Matçın qalibini, eyni zamanda, dünya çempionunu müəyyən etmək üçün əlavə vaxt oynanılıb. Əlavə vaxtda tərəflər hərəyə bir dəfə fərqləniblər – 3:3. Qolları matçın 109-cu dəqiqəsində argentinalı Lionel Messi, 118-ci dəqiqəsində Fransa millisinin üzvü Kilyan Mbappe vurublar. Qalib penalti seriyasında müəyyənləşib. Zərbələri dəqiq yerinə yetirən Argentina millisi dünya çempionatının qalibi adını qazanıb.
Xatırladaq ki, Cənubi Amerika təmsilçisi bundan əvvəl 1978 və 1986-cı illərdə də dünya çempionu olub.
**21:49
Qətərdəki dünya çempionatında Argentina və Fransa yığmaları arasında keçirilən final matçında penaltilər seriyası olacaq.
Məlumata görə, görüşün əlavə vaxtında da tarazlıq pozulmayıb - 3:3.
Bu səbəbdən qalibi müəyyənləşdirmək üçün 11 metrlik cərimə zərbələrindən istifadə ediləcək.
**21:37
Qətərdəki dünya çempionatında Argentina və Fransa yığmaları arasında keçirilən final matçında hesab yenidən dəyişib.
Məlumata görə, 118-ci dəqiqədə penaltini dəqiq yerinə yetirən Kilian Mbappe özünün və komandasının 3-cü qolunu vurub - 3:3.
**21:31
Qətərdəki dünya çempionatında Argentina və Fransa yığmaları arasında keçirilən final matçında 5-ci qol vurulub.
Məlumata görə, 109-cu dəqiqədə Lionel Messi "tanqoçular"ı yenidən hesabda önə keçirib - 3:2.
**21:10
Qətərdəki dünya çempionatında Argentina və Fransa yığmaları arasında keçirilən final matçında əlavə vaxt başlayıb.
Məlumata görə, hazırda qarşılaşmada hesab bərabərdir - 2:2.
**20:55
Qətərdəki dünya çempionatında Argentina və Fransa yığmaları arasında keçirilən final oyununda hesab bərabərləşib.
Məlumata görə, 82-ci dəqiqədə Avropa təmsilçisindən Kilian Mbappe özünün və komandasının 2-ci qolunu vurub.
**20:44
Qətərdəki dünya çempionatında Argentina və Fransa yığmaları arasında keçirilən final oyununda 3-cü qol vurulub.
Məlumata görə, 80-ci dəqiqədə Avropa təmsilçisi buraxılan toplardan birinin əvəzini çıxıb. "Xoruzlar"dan Kilian Mbappe penaltini dəqiq yerinə yetirib - 1:2.
**20:12
Qətərdəki dünya çempionatında Argentina və Fransa yığmaları arasında keçirilən final oyununda ikinci hissə başlayıb.
Məlumata görə, Cənubi Amerika təmsilçisi 2:0 hesabı ilə qalib gəlir.
**19:53
Qətərdəki dünya çempionatında Argentina və Fransa yığmaları arasında keçirilən final oyununda ilk hissə başa çatıb.
Cənubi Amerika təmsilçisi fasiləyə 2:0 hesabı ilə üstün yollanıb.
**19:42
Qətərdəki dünya çempionatında Argentina və Fransa yığmaları arasında keçirilən final oyununda hesab dəyişib.
Məlumatıa görə, Cənubi Amerika təmsilçisindən Anxel Di Mariya 36-cı dəqiqədə 2-ci topu rəqibin qapısından keçirib.
**19:30
Qətərdəki dünya çempionatında Argentina və Fransa yığmaları arasında keçirilən final oyununda hesab açılıb.
Məlumata görə, 23-cü dəqiqədə penaltini dəqiq yerinə yetirən Lionel Messi Cənubi Amerika təmsilçisini önə keçirib.("Report")
**
Qətərdəki dünya çempionatında Argentina və Fransa yığmaları arasında keçirilən final oyunu başlayıb.
Qarşılaşma Bakı vaxtı ilə saat 19:00-da start götürüb.
**09:26
Qətərdə keçirilən futbol üzrə dünya çempionatı bu gün başa çatır.
Senzor.az bildirir ki, həlledici görüşdə Argentina və Fransa yığmaları üz-üzə gələcəklər. “Lusail” stadionunda oynanılacaq matçı polşalı Şimon Marçinyak idarə edəcək. Qarşılaşma Bakı vaxtı ilə saat 19:00-da başlayacaq.
Fransa millisi qələbə qazanacağı halda ardıcıl ikinci, tarixində isə üçüncü dəfə dünyanın ən güclüsü olacaq. “Üçrənglilər” DÇ-1998 və DÇ-2018-də də bu titula sahib çıxıblar.
Argentina seçməsi də üçüncü çempionluğunu qazanmağa çalışacaq. Cənubi Amerika təmsilçisi 1978 və 1986-cı illərdə mundialın qalibi olub.
