Azərbaycan ərazilərində faydalı qazıntı yataqlarının qanunsuz istismarının dayandırılmasını, “Qızılbulaq” və “Dəmirli” yataqlarında monitorinqin keçirilməsinə icazə verilməsini tələb edən azərbaycanlı ekoloqların, könüllülərin və gənclərin Xankəndi-Laçın yolunda keçirdikləri etiraz aksiyası gecə saatlarında da davam edir.
Senzor.az bildirir ki, havanın soyuq olmasına baxmayaraq, hazırda aksiya iştirakçılarının Xankəndi-Laçın yolunda fəallığı müşahidə olunur. Onlar ekoloji terrorun dayandırılması ilə bağlı şüarlar səsləndirirlər.
Xatırladaq ki, Qarabağda faydalı qazıntı yataqlarının qanunsuz istismarı əleyhinə Şuşadan keçən Xankəndi-Laçın yolundakı etiraz aksiyası 18 gündür davam edir.
