Rusiya, Suriya və Türkiyə xarici işlər nazirləri çərşənbə günü, yanvarın 11-də Moskvada görüşə bilərlər.
Bu barədə bazar günü Səudiyyə Ərəbistanının “Asharq Al-Awsat” qəzeti məlumat yayıb.
Nəşrin yazdığına görə, yanvarın 4-də Dəməşqə səfər edən və Suriya lideri Bəşər Əsədlə görüşən Birləşmiş Ərəb Əmirliklərinin (BƏƏ) xarici işlər naziri Şeyx Abdullah bin Zayed Əl Nəhyan üçtərəfli görüşə qatıla bilər.
Qəzet yazır ki, əldə olunan razılığa əsasən, Moskvada keçirilən danışıqlar Rusiya, Suriya və Türkiyə prezidentlərinin iştirakı ilə sammitə yol açmalıdır.
Onun sözlərinə görə, BƏƏ belə sammitin keçirilməsi üçün yer təklif edib.
"Üçtərəfli sammit Moskvada baş tutsa, Əmirliyin yüksək rütbəli nümayəndəsi iştirak edə bilər"-, "Asharq Al-Awsat" qeyd edib.
Qəzet yazır ki, hazırda yanvarın 23-də Cenevrədə dörd dövlətin (BƏƏ, Rusiya, Suriya və Türkiyə) nümayəndələrinin BMT-nin Suriya üzrə xüsusi nümayəndəsi Geir Pedersen ilə görüşünün təşkili üçün təmaslar aparılır. Norveçli diplomat yanvarın sonunda Dəməşqə səfər etməyi və Suriya Xarici İşlər Nazirliyinin rəhbəri Feysal Mikdad ilə görüşməyi planlaşdırır.
