İran qonşuları və bölgə ölkələri ilə münasibətlərdə yeni səhifə açmağa hazırdır.

“Mehr” agentliyi xəbər verir ki, bunu İran Prezidenti Məsud Pezeşkian Nazirlər Kabinetinin iclasında deyib.

O, qonşuluq siyasətinin və regional münasibətlərin inkişafının İranın əsas strategiyası olduğunu təsdiqləyib.

M.Pezeşkian bildirib ki, İslam ölkələri arasında həmrəyliyin vacibliyini nəzərə alaraq və hərtərəfli əməkdaşlığı genişləndirmək məqsədilə İran Körfəz Əməkdaşlıq Şurası ilə tam əməkdaşlığa hazırdır: “Bununla da qonşularla münasibətlərdə yeni səhifə açırıq”.