Dövlət Turizm Agentliyi 12,8 milyon manat vəsaiti büdcəyə qaytarmayıb.
Senzor.az bildirir ki, bu fakt Hesablama Palatasının (HP) Dövlət Turizm Agentliyində apardığı audit zamanı üzə çıxıb.
Audit nəticəsində məlum olub ki, Agentlik 2022–2024-cü illər ərzində müxtəlif iş və xidmətlər üçün ayrılmış ümumilikdə 12,8 milyon manat vəsaiti akkreditiv hesablarında saxlayıb, lakin bu vəsait qanunla nəzərdə tutulduğu kimi büdcəyə geri qaytarılmayıb.
Xüsusilə qeyd olunub ki, saxlanılmış vəsaitin yalnız 43,5 min manatı geri qaytarılıb, yerdə qalan məbləğ isə müxtəlif illərdə icra olunmuş xidmətlərə görə ödənilib.
Hesablama Palatası bu praktikanı “Büdcə sistemi haqqında” Qanunun və büdcə intizamının pozulması kimi qiymətləndirib.
