Ermənistanın Baş Prokurorluğu məhkəmədə Müdafiə Nazirliyi ilə Erməni Apostol Kilsəsi arasında daşınmaz əmlak və torpaq sahələrinin icarəsi üzrə müqavilələrin etibarsız sayılması barədə iddia qaldırıb.

Senzor.az yerli KİV-ə istinadən bildirir ki, iş Antikorrupsiya Məhkəməsində araşdırılacaq.

Adıçəkilən ölkənin Baş Prokurorluğundan bildirilib ki, 2019-cu ilin 30 avqust tarixində imzalanan müqaviləyə əsasən, dövlətə məxsus olan və Müdafiə Nazirliyinin istifadəsinə verilən 9427,3 kvadratmetrlik sahəyə malik tikililər və 8,9 hektar ərazidəki torpaq sahəsi əvəzsiz olaraq kilsənin balansına keçirilib.

Ermənistanın Baş Prokurorluğu tərəflər arasında imzalanan müqaviləninin qanunsuz olması səbəbindən ləğvini tələb edir.