Polşada bir müddət əvvəl baş tutan prezident seçkilərində qalib gələn Karol Navroçkinin andiçmə mərasimi keçirilib və o, rəsmi olaraq Prezident vəzifəsinin icrasına başlayıb.
Senzor.az yerli KİV-ə istinadən bildirir ki, andiçmə mərasimi avqustun 6-da parlamentin aşağı palatası olan Seymin plenar iclaslar zalında keçirilib.
Konstitusiyaya uyğun olaraq, Navrotski hər iki palatanın - Seym və Senatın deputatlarından ibarət olan Milli Məclis qarşısında and içib.
Seymin spikeri Şimon Holovnya, Navrotskinin dövlət başçısı vəzifəsinə başlamasını rəsmi olaraq təsdiqləyib.
Ənənəvi olaraq andiçmə mərasimində deputatlar və senatorlar, Baş nazir Donald Tusk da daxil olmaqla hökumət nümayəndələri, həmçinin din xadimləri və diplomatik korpusun nümayəndələri iştirak ediblər.
Qeyd edək ki, mühafizəkar Karol Navroçkinin prezidentliyi Baş nazir Donald Tuskun Avropapərəst hökuməti üçün təhdid hesab olunur.
