ABŞ Prezidenti Donald Tramp təsdiq edib ki, qarşılıqlı tariflər avqustun 7-də gecəyarısı (Bakı vaxtı ilə 08:00) qüvvəyə minib.
Senzor.az yerli KİV-ə istinadən bildirir ki, Ağ Ev rəhbəri bu barədə “Truth Social”da yazıb.
“Qarşılıqlı tariflər gecəyarısı qüvvəyə minib”, - deyə o vurğulayıb.
Trampın fikrincə, idxal tarifləri Amerika iqtisadiyyatına, ilk növbədə, illərdir ABŞ-la ticarət əlaqələrindən sui-istifadə edən ölkələrdən milyardlarla dollar cəlb edəcək.
Qeyd edək ki, Tramp avqustun 1-də 60-dan çox ölkə və Avropa İttifaqına 15%-dən 41%-ə qədər tariflər tətbiq edən sərəncam imzalayıb.
Ən yüksək tariflər Suriya (41%), Laos (40%), Myanma (40%), İsveçrə (39%), İraq (35%) və Serbiya (35%) kimi ölkələr üçün müəyyən edilib.
