Gələn həftə YAP-ın fövqəladə iclası keçiriləcək.
Bu barədə Konkret.az mötəbər mənbələrə istinadla məlumat yayıb.
Məlumatda deyilir ki, hakimiyyətin ələ keçirilməsi 2019-cu ildə Ramiz Mehdiyevin yanında keçirilən qapalı müşavirədə də müzakirə olunub. Bu yığıncaqda sabiq Baş nazir Novruz Məmmədov, Qaçqınlarla İş üzrə Dövlət Komitəsinin sabiq sədri Əli Həsənov, Prezidentin sabiq köməkçisi Əli Həsənov, Bakının sabiq meri Hacıbala Abutalıbov iştirak ediblər. Hakimiyyətin ələ keçirilməsi planında daha çox Ramiz Mehdiyev və Prezidentin sabiq köməkçisi Əli Həsənov canfəşanlıq ediblər. Ona görə də bu iki şəxs daha çox cinayət törətmiş oliqarx-məmur kimi diqqətdə saxlanılır.
Verilən digər məlumata görə, gələn həftə YAP-ın mühüm iclasında Ramiz Mehdiyev üzvlükdən kənarlaşdırılacaq.
Ramiz Mehdiyev qalmaqalı ilə bağlı yüksək rütbəli şəxslərin, nazir və komitə rəhbərlərinin bəziləri də işdən çıxarılacaq.
