Ukrayna Ali Radası ölkədə hərbi vəziyyətin və ümumi səfərbərliyin daha 90 gün müddətinə uzadılması ilə bağlı qanun layihəsini dəstəkləyib.
Bu barədə “Unian“ məlumat yayıb.
Qərara əsasən, hərbi vəziyyətin və səfərbərliyin müddəti 5 noyabr 2025-ci ildən etibarən daha 90 gün uzadılacaq və 2026-cı ilin fevralına qədər qüvvədə olacaq.
Prezident Volodimir Zelenski müvafiq qanun layihələrini oktyabrın 20-də parlamentə təqdim edib. Bu qərar, Rusiyanın genişmiqyaslı təcavüzünün başladığı 2022-ci ildən bəri hərbi vəziyyətin 17-ci dəfə uzadılması olacaq.
Qanun layihəsi prezident tərəfindən imzalandıqdan sonra qüvvəyə minəcək.
