ABŞ Prezidenti Donald Tramp Rusiya lideri Vladimir Putinlə görüşün yalnız Rusiya-Ukrayna münaqişəsinin həlli üçün sülh razılaşması perspektivlərinə əmin olduğu zaman baş tutacağını bildirib.
"Reuters" xəbər verir ki, bunu o, jurnalistlərə Asiya turnesi çərçivəsində Malayziyaya gedərkən təyyarədə deyib.
"Biz razılaşma əldə edəcəyimizdən əmin olmalıyıq", - deyə Amerika lideri Putinlə nə vaxt görüşməyə hazır olacağı ilə bağlı sualı cavablandırarkən bildirib.
Tramp Rusiya-Ukrayna münaqişəsində sülh prosesinin gedişatından məyus olduğunu bir daha vurğulayıb.
