Nigeriya Prezidenti Bola Tinubu ölkədə təhlükəsizliklə bağlı vəziyyətinin pisləşməsini nəzərə alaraq fövqəladə vəziyyət elan edib və hərbçilərin, həmçinin təhlükəsizlik qüvvələrinin sayının artırılması barədə göstəriş verib.
Senzor.az yerli KİV-ə istinadən bildirir ki, bu barədə dövlət başçısının informasiya və strategiya üzrə xüsusi müşaviri Bayo Onanuga "X" platformasında məlumat yayıb.
Qərara əsasən, təhlükəsizlik qüvvələri əməkdaşlarının sayı 20 min nəfər artırılaraq, ümumilikdə 50 minə çatdırılacaq.
Xatırladaq ki, son bir həftə ərzində silahlılar ölkə daxilində onlarla digər vətəndaşla birlikdə 315 məktəbli və müəllimi qaçırıblar. Bəziləri xilas edilib, digərləri qaçıb, lakin 265 uşağın və onların müəllimlərinin taleyi hələ də məlum deyil.
