ABŞ ilə danışıqlarda Ukrayna nümayəndə heyətinə Milli Təhlükəsizlik və Müdafiə Şurasının katibi Rustem Umerov rəhbərlik edəcək.

UNIAN xəbər verir ki, Ukrayna Prezidenti Volodimir Zelenski bununla bağlı fərman imzalayıb.

Agentlik bildirir ki, nümayəndə heyətinin tərkibində Ukrayna Müdafiə Nazirliyinin Baş Kəşfiyyat İdarəsinin rəhbəri Kirill Budanov da yer alır.

Daha əvvəl Floridaya Ukrayna Prezident Ofisinin rəhbəri Andrey Yermak getməli idi, lakin V.Zelenski onun istefası haqqında fərman imzalayıb.

Xatırladaq ki, bundan əvvəl A.Yermakın evində axtarış aparıldığı barədə məlumat verilmişdi.