Böyük Britaniyanın Baş naziri Kir Starmer ABŞ Prezidenti Donald Trampla telefon danışığı aparıb.
Senzor.az yerli KİV-ə istinadən bildirir ki, Britaniya Baş naziri ofisinin yaydığı bəyanatda belə deyilir.
Danışıqlar zamanı Ukraynadakı vəziyyət, o cümlədən “istəklilər koalisiyası”nın hərbi planları müzakirə olunub.
Qeyd olunur ki, liderlər söhbətə Ukraynadakı müharibənin müzakirəsi ilə başlayıblar. Baş nazir Starmer mümkün sülh razılaşmasının qorunması, eləcə də ədalətli və davamlı atəşkəsin təmin olunması məqsədilə “istəklilər koalisiyası”nın gördüyü işlər barədə Trampa məlumat verib.
Bundan əlavə, Starmer və Tramp Qəzza sektorundakı vəziyyəti də müzakirə ediblər.
