İran parlamentinin bazar günü ölkə daxilində 110-dan çox insanın ölümünə səbəb olan geniş yayılmış etirazlar fonunda təcili iclası başlayıb.
Bu barədə Associated Press (AP) məlumat yayıb.
"İran parlamenti bazar günü ölkəni sarsıdan və davam edən etirazları müzakirə etmək üçün toplaşıb. Qanunvericilər bir dəfə "Amerikaya ölüm!" şüarları səsləndirmək üçün kürsüyə axışıblar", - deyə məlumatda qeyd olunub.
Xatırladaq ki, İranın 31 əyalətinin 185 şəhərində etirazlar davam edir. Bu günədək nümayişlərdə 116 nəfər ölüb, onlardan yeddisi 18 yaşdan kiçik, dördü isə yaralılara köməklik göstərən tibb işçisidir.
