“Prezident Donald Tramp və Prezident İlham Əliyev yanvarın 22-si Davosda ABŞ-Azərbaycan münasibətləri və regional sülh məsələlərini müzakirə etmək üçün görüşüblər”.
Senzor.az bildirir ki, ABŞ-ın Azərbaycandakı Səfirliyinin məlumatında belə deyilir.
Qeyd olunub ki, tərəflər 2025-ci il avqustun 8-də keçirilmiş Sammitdə əldə olunan razılaşmalara sadiqliklərini bir daha təsdiqləyərək ikitərəfli əlaqələrin möhkəmləndirilməsi və əməkdaşlığın artırılmasının vacibliyini vurğulayıblar.
“Liderlər həmçinin Cənubi Qafqazda sülh və sabitliyin təmin olunması istiqamətində əldə edilən irəliləyişləri, eləcə də TRIPP təşəbbüsü sayəsində regional əlaqəliliyin, əməkdaşlığın və ticarətin əhəmiyyətini qeyd ediblər”, - məlumatda bildirilib.
