Özbəkistan Prezidenti Şavkat Mirziyoyev Türkiyəyə rəsmi səfər edib.

Senzor.az bildirir ki, bu barədə Türkiyə Prezident Administrasiyasının Kommunikasiya İdarəsi məlumat yayıb.

Prezident Rəcəb Tayyib Ərdoğan və xanımı Eminə Ərdoğan Şavkat Mirziyoyevi və xanımını Esenboğa Hava Limanında qarşılayıblar.

Sonra Özbəkistan Prezidentinin paytaxt Ankarada rəsmi qarşılanma mərasimi də olub.

Qarşılanma mərasiminin ardınca Özbəkistan və Türkiyə prezidentləri Şavkat Mirziyoyev ilə Rəcəb Tayyib Ərdoğan arasında Ankaradakı Prezident sarayında məhdud tərkibdə görüş keçirilib.

Daha sonra Özbəkistan və Türkiyə prezidentləri Şavkat Mirziyoyevlə Rəcəb Tayyib Ərdoğan ali səviyyəli Strateji Əməkdaşlıq Şurasının dördüncü iclasını keçiriblər.

İclasın yekunlarına əsasən, iki ölkənin hökumətlərinə əldə edilmiş razılaşmaların həyata keçirilməsi üzrə "yol xəritəsi"ni təsdiqləmək tapşırılıb...