Rusiya Bankı (Mərkəzi Bank) brokerlərə bu gündən etibarən birjadan dollar, avro və funt sterlinq alan fiziki şəxslərdən əqdin dəyərinin 30 %-i qədər komissiya tutmaq barədə təlimat verib.Xarici KİV-in yazdığına görə, məlumatı bazar iştirakçıları yayıblar.
Komissiyanın tətbiqində məqsəd banklar və brokerlər arasındakı rəqabət şəraitini bərabərləşdirməkdir. Belə ki, banklar alış və satış məzənnələri arasında spreddən istifadə etmək imkanına malikdirlər.
“Report” xatırladır ki, Rusiyaya qarşı ABŞ və Avropa İttifaqının tətbiq etdiyi sanksiyalar fonunda Ruisya Bankı kompleks tədbirlər həyata keçirib, o cümlədən uçot dərəcəsini kəskin artıraraq 9,5%-dən 20%-ə çatdırıb.
