Qazaxıstan Prezidenti Kasım-Jomart Tokayev Müdafiə Nazirliyinin rəhbərliyi ilə keçirib və yeni müdafiə nazirini təqdim edib.
Senzor.az yerli KİV-ə istinadən bildirir ki, dövlət başçısı Manqistau vilayətində keçirilən təlimlər zamanı 14 hərbi qulluqçunun həlak olması ilə bağlı baş verənlərə sərt reaksiya verib.
Prezident hərbi qulluqçuların sülh dövründə həlak olmasını “mahiyyət etibarilə cinayət xarakterli olan zabitlərin, o cümlədən generalların qeyri-peşəkarlığının nəticəsi” adlandırıb.
Məlum olub ki, təlimlər zamanı hərbçilər lazımi ləvazimatlarla, o cümlədən dəniz xilasedici jiletləri ilə təmin olunmayıblar.
Kasım-Jomart Tokayev təkcə faciənin şəraitinin deyil, həm də belə təlimlərin keçirilməsi planının nədən irəli gəldiyinin və qarşıya qoyulan vəzifələrin müasir təhdidlərə nə dərəcədə cavab verdiyinin araşdırılmasını tələb edib.
“Ordudakı köhnə problemlər rəhbərlik tərəfindən ildən-ilə həll olunmur və bu, ölkənin müdafiə qabiliyyətini zəiflədir. Keçmiş faciələrdən heç bir nəticə çıxarılmayıb”, - deyə Prezident bildirib.
