Ukrayna Prezidenti Vladimir Zelenski ölkənin müharibədən sonra bərpası üçün Milli Şura yaradıb.Senzor.az yerli KİV-ə istinadən bildirir ki, dövlət başçısı bununla bağlı sərəncam imzalayıb.
Milli Şuraya Prezident Ofisinin rəhbəri və onun müavinləri, Ali Radanın bütün komitələrinin rəhbərləri, Baş nazirin müavinləri və bütün nazirliklərin rəhbərləri daxildir.
Milli Şuranın əsas vəzifələri ölkənin müharibədən sonrakı yenidən qurulması və inkişafı üçün tədbirlər planının hazırlanması, müharibədən sonrakı dövrlərdə islahatlara dair təkliflərin və strateji təşəbbüslərin hazırlanmasıdır.
Nazirlər Kabinetinə iki həftə müddətində onun informasiya-analitik dəstəyini həyata keçirəcək orqanı müəyyən etmək tapşırılıb.
Xatırladaq ki, Avropa İttifaqı Ukraynanın müharibədən sonrakı bərpası xərclərinin böyük hissəsini öz üzərinə götürmək niyyətindədir.
