ABŞ Dövlət katibinin Avropa və Avrasiya Məsələləri üzrə köməkçisinin müavini Erika Olson Azərbaycana səfər edəcək.Senzor.az bildirir ki, bu barədə ABŞ-ın Azərbaycandakı səfirliyindən məlumat verilib.
Məlumata görə, o, Azərbaycanda hökumət rəsmiləri ilə görüşlər keçirəcək, habelə aprelin 27-28-də Bakıda yer alan missiya rəhbərlərinin konfransına qatılacaq.
Həmin konfransda ABŞ-ın Azərbaycandakı səfiri Erl Litzenberqer, ABŞ-ın Gürcüstandakı səfiri Kelli Deqnan, ABŞ-ın Ermənistandakı səfiri Linn Treysi, USAİD təşkilatının Administratorunun köməkçisinin müavini Mark Simakovski, ABŞ-ın Avropa və Avrasiya Yardım Məsələləri üzrə icraçı koordinatoru Qreq Naarden və Qafqaz Danışıqlarına dair baş məsləhətçi Endryu Şofer iştirak edəcəklər.
ABŞ-ın Ermənistandakı səfiri Linn Treysi Qeyd edək ki, bu kimi missiya rəhbərlərinin konfransları müntəzəm olaraq yer alır. Sonuncu konfransa 2021-ci ildə ABŞ-ın İrəvandakı səfirliyi ev sahibliyi edib. 2019 və 2018-ci illərdə keçirilən konfransları ABŞ-ın Bakıdakı və Tbilisidəki səfirlikləri təşkil etmişdilər. COVID-19 səbəbindən 2020-ci ildə konfrans keçirilməyib.
