Brüsseldə Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev və Ermənistan Respublikası Təhlükəsizlik Şurasının katibi Armen Qriqoryan arasında görüş keçiriləcək.Senzor.az bildirir ki, bu barədə Armen Qriqoryan “Azadlıq Radiosu”nun efirində bildirib.Onun sözlərinə görə, görüş mayın 2-də olacaq.
“Azərbaycan və Ermənistanla bağlı məsələləri müzakirə edəcəyik. Əgər biz bütün suallara cavab tapa bilsək, o zaman ölkə liderlərinin Brüsseldə görüş imkanını müzakirə edə bilərik”, - Armen Qriqoryan qeyd edib.
Xatırladaq ki, H.Hacıyevlə A.Qriqoryan bundan əvvəl də (martın 30-da-red.) Brüsseldə görüşmüşdülər. O vaxt Avropa İttifaqının Xarici Siyasət Xidməti məlumat yayaraq bildirmişdi ki, görüşdə əsas məqsəd Azərbaycan və Ermənistan arasında bir sıra məsələlərin həlli yollarını tapmaq istiqamətində birgə səyləri inkişaf etdirmək olub.
