“Etiraz aksiyalarını təşkil edənlər, onun başında duranlar Ermənistan cəmiyyəti üçün kifayət qədər məlum şəxslərdirlər”.Senzor.az bildirir ki, bunu Azərbaycanın xarici işlər naziri Ceyhun Bayramov deyib.
Onun sözlərinə görə, həmin şəxslər uzun illər ərzində - təxminən 30 il erməni xalqına yalan vədlər verən, illuziyalarla yaşayan və Ermənistanı bugünkü uçurum vəziyyətinə gətirən adamlardır: “Bu, hakimiyyət uğrunda olan mübarizənin tərkib hissəsidir. Burada yenidən Qarabağ mövzusunu gündəmə gətirmək istəyirlər. Təbii ki, biz bu proseslərə baxırıq, izləyirik. Orada geniş ictimai dəstəkdən söhbət getmir, ən böyük halda beş-altı min adam belə yoxdur. Bu da bir daha onu göstərir ki, artıq bu yalan vəd və illuziyalardan Ermənistan cəmiyyəti də yorulub”.
