“Ukrayna uğursuzluğa düçar olarsa, növbəti Slovakiya olacaq... Onlar (Ukrayna – red.) qalib gəlməlidirlər”.
CNN xəbər verir ki, bunu Slovakiyanın Baş naziri Eduard Heger Davos İqtisadi Forumunda deyib.
Avropa İttifaqı üzvlərini tənqid edən Baş nazir onları Rusiya neftinə çox arxalanmaqda günahlandırıb. O, liderləri Rusiyaya güzəştə getməməyə çağırıb: “Biz çox uzun müddət öz dəyərlərimizi ucuz qaz və neftə dəyişmişik. Putinlə kompromis Ukraynada müharibəyə səbəb olub. Təcavüzkar müharibə, insanlar ölür. Ukraynalılar dəyərlərimiz üçün qan tökürlər”.
