İyunun 3-də Moskvada kommunikasiyaların açılması üzrə  Üçtərəfli İşçi Qrupun iclası keçiriləcək.

Senzor.az “Sputnik Armeniya”ya istinadən bildirir ki, bu barədə Ermənistan Baş nazirinin müavini Mher Qriqoryanın (Ermənistanı İşçi qrupda məhz o təmsil edir) ofisindən məlumat verilib.

Qeyd edək ki, İşçi qrupu regionda kommunikasiyaların (xüsusilə Ermənistanla Azərbaycan arasında dəmir və avtomobil yollarının) açılması məsələlərini müzakirə edir.

Xatırladaq ki, Azərbaycan, Rusiya və Ermənistan baş nazirləri müavinlərinin həmsədrliyi ilə yaradılan İşçi qrup sonuncu dəfə 2021-ci ilin dekabrında iclas keçirib. 

Onu da xatırladaq ki, Azərbaycan tərəfdən İşçi qrupun həmsədri Baş nazirin müavini Şahin Mustafayevdir. 

Senzor.az