Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev ABŞ-da Türkiyənin Vaşinqtondakı səfiri Həsən Murat Mərcanla görüşüb.
Senzor.az bildirir ki, bu barədə Türkiyənin Vaşinqtondakı səfirliyinin “Twitter“ səhifəsində edilən paylaşımda məlumat verilib.
Qeyd edilib ki, tərəflər Türkiyə ilə Azərbaycan arasında qardaşlıq münasibətlərini bir daha təsdiqləyib, regional məsələlər ətrafında fikir mübadiləsi aparıblar.
Görüşdə Azərbaycanın Birləşmiş Ştatlardakı səfiri Xəzər İbrahim də iştirak edib.
